Padayon karon ang gihimo damagement assessment sa Municipal Disaster Risk Reduction and Management Office sa lungsod sa Kadingilan ning probinsya sa Bukidnon human ang nahitabong 5.9 magnitude nga linog alas 9:22 kagabie.
Sa interview sa RMN Malaybalay ngadto kang Kadingilan Mayor Jerry Canoy Sr. gibutyag niini nga gipalihok na niya ang mga barangay officials aron sa pagpahigayon sa assessment sa ilang nasakupan.
Matud niya nga padayon karon ang ilang gihimo assessment sa 17 ka mga barangay nga sakop sa Kadingilan.
Dili pa usab masayran sa mayor kung unsay gikinahanglan sa mga katawhan niining higayona.
Nasayran nga adunay tulo ang nasamdan human ang mao nga linog nga nailing sila si Emilda Acma, 54 anyos, Lolita Guiren, 54 anyos nga lumulupyo sa Camp 1, Maramag, Bukidnon ug Mrs. Andresa Polon sa Brgy. Matambay, Kadingilan, Bukidnon nga naka-angkon ug samad sa ulo.
