Roxas City, Capiz- May posibilidad nga mapasara ang mga internet shops sa Roxas city nga wala sang accreditation halin sa Optical Media Board(OMB).
Suno kay Economic Consultant Mrs. Carmen Andrade, kinahanglan nga makaparehistro kag magpaidalom sa accreditation ang amu nga mga internet shops antes ang mga ini mahatagan sang Mayor’s kag Business Permit para maka-operate ang mga ini.
Suno kay Andrade, nagakadapat nga ma-regulate sang Business Permit and Licencing Office(BPLO) ang operations sang amu nga mga computer shops bangud nga dako ang mangin epekto sini sa mga kabataan ilabe na sa mga may access sa mga nagkatuhay nga mga social networking sites; online games; mga pornographic kag dating sites kag iban pa nga kasubong sini.
Nahibaloan nga natalana nga magabalik ang Optical Media Board sa Roxas City sa maabot nga Setyembre 7, 2018 para sa pag-conduct sang accreditation sa mga owners sang internet shop nga naga-operate sa mga kabarangayan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
