DAR, nakahanda nga manghatag sang duta sa mga estudyante nga makatapos sang kurso nga agrikultura

15

Nakahanda ang Department of Agrarian Reform ukon DAR nga manghatag sang duta sa mga estudyante nga makatapos sang kurso nga agrikultura.

Suno kay DAR Secretary John Castriciones, ang ini nga tikang makabulig agud buhion ang interes sang mga pamatan-on nga Pilipino pag-abot sa sector sang agrikultura.


Suno sa iya nga ang tagsa ka agriculture graduate nga interesado nga gamiton ang ila tinun-an ang pagahatagan sang tatlo ka ektarya nga duta.

Suno sa iya nga kaupod ini sa probisyon nga nasaad sa Republic Act 6657 ukon Comprehensive Agrarian Reform Law nga gin-aprobahan sadto pang 1988.

Katuyuan sang ahensya nga engganyuhon ang mga kabataan nga magkuha sang kurso nga agriculture sa kolehiyo kag subong man sa mga ginikanan nga suportahan ang desisyon sang ila mga anak.

Dugang pa ni Castriciones nga masami manubo ang paglantaw sa mga mangunguma kag nakita lamang ang ila kaimportante sang makaangkon sang pandemya ang pungsod.




Facebook Comments