DAR Zamboanga del norte padayon ang ilang pagpaningkamot nga mahatag ang mga panginahanglanon sa mga mag-uuma ug mga kooperatiba dinhi sa probinsya.

17

Ang Department of Agriarian Reform (DAR) Zamboanga del norte padayon ang ilang adbokasiya nga mahatag ang tanang panginahanglanon sa mga mag-uuma ug mga kooperatiba para mas mapalambo pa kini.

Kini karon ang gitagaan ug dakong pagtagad ni Agrarian Reform Program Officer II Arturo N. Soria ilawom sa iyang kadumalahan gani, daghanan na kayo siya ug mga nahimo sukad nga milingkod siya isip direktor dinhi sa DAR Zamboanga del norte.

Ning bag-ohay lang ang Department of Agrarian Reform (DAR) sa pagpanguna ni PARPO II Arturo N. Soria ug Local Government Unit (LGU) sa Sindangan, ning probinsya pinaagi sa pagpanguna ni Mayor Florentino Z. Sy uban sa Siari Valley Agrarian Reform Beneficiaries Multi-Purpose Cooperative (SVARBEMCO) nga ge representahan ni Chairman Flaviano Hilay, nagkatapok kini para sa pagpinirmahay sa memorandum.

Ang maong panagtigom sa nahisgutan nga lungsod usa kini ka pagpakita sa lig-on nga panag-uban pinaagi sa pagpirmahanay sa Memorandum of Agreement (MOA) sa Linking Smallholder Farmers to Markets (LinksFarm) project.

Ang maong link Farm Project nagtumong kini sa pag edukar sa mga mag-uuma sa usa ka agro enterprise ug mo tabang kini aron mamahimong self- Sufficient pinaagi sa pagpa-usbaw sa ilang crop production ug market linkage.

Lauman nga dili lamang kini ang unang higayon nga gihimo sa DAR Zamboanga del norte apan daghan pa sa umaabot nga mga adlaw ang makapahimulos sa susamang kahigayonan.

Facebook Comments