iFM Laoag – Naarestar babaen kadagiti otoridad ti dati a Mayor Marynette Gamboa iti Dingras Ilocos Norte iti sangsamgoenna a kaso a panangpapatay.
Nakemmeg ni Gamboa idi malem kalman (Biernes) iti Olympic Tower Heights 1, Eastwood, Quezon City.
Ti pannakaaresto kenkuana ket basar iti warrant of arrest nga inyetnag iti Regional Trial Court Branch 17 babaen ti sala ni Judge Felix Salvador iti Batac City, Ilocos Norte.
Ni Gamboa ti maitudtudo nga utek ti panangpapatay ken Rey Ruiz, dati a presidente iti Board ti ilocos Norte Electric Cooperative idi tawen 2009.
Iti agdama, nakabalud ni Gamboa idiay Camp Crame ken maisublinto iti Ilocos Norte tapnu sangoenna ti nasao a darum.
Malagip a timmaray itay kallabes ni Gamboa a kas deputado ti maikadua a distrito iti Ilocos Norte itay napalabas nga eleksion, angem naabak daytoy.
Bernard Ver, RMN News
