Patay ang isa ka persona, matapos nga luthangon sa Purok 4-B Brgy. Koronadal Proper, Polomolok, South Cotabato, pasado alas 8:00 sang aga, kahapon nga adlaw, Nobyembre 18, 2020.
Ginkilala ang biktima kay Baharin Amal Mantawil, 39 -anyos, tricycle driver kag residente sang Purok 6, Brgy. Koronadal Proper, Polomolok, South Cotabato.
Sa imbestigasyon sang Polomolok MPS halin sa ila balay ang biktima sakay sa tricycle sang duha ka wala nakilal-an nga mga suspek ang nagtiro sa biktima sang makapila ka bes nga nangin tunaan sang iya kamatayon.
Gilayon naman nga nagpalagyo sa direksyon sang Brgy Koronadal Proper sa nasambit nga banwa ang mga suspek sakay sa motorsiklo.
Nakuha naman sa crime scene ang mga basyo sang 5.56 MM kag ang ginamaneho nga tricycle sang biktima nga nakarehistro sa iya nga utod.
Nahibaluan nga ang biktima ang anay nakadetine sa South Cotabato Provincial Jail sa kaso nga pagbayolar sa Section 11 kag 5 sang RA 9165.
