Isa si dating Department of Environment and Natural Resources (DENR) Secretary Roy Cimatu sa mga pangunahing imbitado sa pagdinig ng House Public Accounts Committee sa November 19 ukol sa Manila Bay Dolomite Beach project.
Giit ni Bicol Saro Partylist Rep. Terry Ridon, dapat magpaliwanag si Cimatu connection with the Manila Bay Dolomite Beach project.
Ayon kay Ridon, uusisain nila kay Cimatu kung paano nagsimula ang proyekto at bakit ito ipinatupad kahit hindi naman nito bahagi ng Manila Bay Sustainable Development Master Plan at hindi rin sang-ayon sa utos ng Supreme Court kaugnay sa rehabilitasyon ng Manila Bay.
Biniyang-diin ni Ridon na bilang dating kalihim ng DENR, ay si Cimatu ang may pangunahing responsibilidad sa Manila Bay rehabilitation kasama ang pag-likha at pagpapatupad ng Manila Bay Dolomite Beach project.
