Itinalaga ni Pangulong Ferdinand Marcos Jr., si Atty. Michael Kristian Ablan bilang assistant secretary sa Department of Trade and Industry (DTI).
Si Ablan ay galing sa Department of Education (DepEd) bilang undersecretary na naitalaga sa ahensya noong 2022.
Naging bahagi rin sya ng Duterte administration at nagsilbi bilang assistant secretary sa noon ay Presidential Communications Operations Office o PCOO.
Kasama siya listahan ng mga bagong appointee na inilabas ng PCO na kung saan ay kasama rin sa nailipat ng tanggapan ay si dating Department of Transportation Undersecretary for Railways Cesar Chavez.
Si Chavez ay itinalaga bilang undersecretary sa Office of the President at magsisilbi bilang Presidential Assistant for Strategic Communication.
Nagtalaga rin ng mga bagong appointee sa Department of Human Settlements and Urban Development, Department of Justice, Department of Labor and Employment, Department of Public Works and Highways at Department of Science and Technology.
