Cauayan City, Isabela- Patay sa kamay ng dating kasamahan na New People’s Army ang isang sumukong rebelde na si Gamata Minor alyas “Ka Ed” matapos itong barilin sa kanyang bahay noong June 23, 2021 sa Zinundungan Valley, Rizal, Cagayan.
Si “Ka Ed” ay nahikayat umano ng AnakPawis bago ito napabilang na miyembro ng New People’s Army noong taong 2016 hanggang sa sumuko ito sa 17th Infantry Battalion noong 2020 para magbagong buhay kasama ang kanyang pamilya.
Naging miyembro rin ito ng Cagayan Alliance for Peace and Development (CAPD), isang organisasyon para sa mga dating rebelde katuwang ang SAMBAYAN na layong makamit ang peace and development sa bansa at labanan ang CPP-NPA-NDF.
Gayunpaman, habang natutulog sa kanilang kubo noong Hunyo 23, 2021 bandang 10:30 ng gabi, si “Ka Ed” at kasosyo na si Ka Shirly kasama ang kanilang 1-taong-gulang na anak na lalaki ay ginising ng higit pa sa sampung armadong Communist Terrorist Group na nakasuot ng itim na sweatshirt, itim na pantalon at bota na pinamunuan umano ni Edwin Gabino Callueng @ Sarol, ang dati nilang kasamahan.
Ayon kay Ka Shirly, hinatak umano ni Edwin ang biktima sa layong mga tatlong metro mula sa kanilang kubo habang siya ay kinaladkad din ng iba.
Sa pagkakataong iyon, nakita ni Shirly na biglang binaril ni Edwin ang dibdib ng biktima sanhi ng kanyang agarang pagkamatay at mabilis na tumakas ang mga suspek sa Brgy. Lagum, Sto. Nino, Cagayan.
Sa karagdagang pagsisiyasat, nalaman umano ng mga rebeldeng grupo na ang biktima ay aktibong nagbibigay ng impormasyon sa pulisya at hukbo hinggil sa mga aktibidad ng grupo sa Zinundungan Valley, Rizal, Cagayan mula nang sumuko siya sa mga awtoridad noong Enero 29, 2021.
Narekober sa pinangyarihan ng krimen ang isang piraso ng fired cartridge ng kalibre 45 mula sa Scene of the Crime Operatives.
Bukod dito, naalala rin na noong 2019 at 2020 sina “Ka Otso” Agunoy at Vincent Cusipag “Ka MJ” ay pinatay din ng NPA at kalaunan ay kinuha ang kanilang bangkay kamakailan.
Ayon sa pulisya,ang pagpatay na ginawa ng NPA ay isang patunay na wala silang naidala sa bansa kundi puro kahirapan.
Pinagkaitan nila ang dating mga rebelde ng kasiyahan na mabuhay ng tahimik sa pamamagitan ng pagbaril at pagpatay sa kanila para lamang sa kanilang pansariling ideolohiya.
Mariing kinondena ng Central People’s Alliance for Bayan – Cagayan Valley (SAMBAYAN-CV) ang pagpatay sa mga dating rebelde kina “Ka Ed, Ka Otso at Ka MJ na ginawa ng New People’s Army (NPA).
