Patay ang usa ka Michael Datu human misukol sa kapulisan atol sa gihimong buy bust operation.
Si Datu usa ka ulitawo, hingkod ang edad, walay trabaho ug taga Barangay Saray, Iligan City.
Matud ni PO2 Cresente Genon sa Police Station 3, Iligan City nga gihimo ang operasyon kaganihang 1:40 sa kadlawon sa Purok Sto. Niño, Barangay Sta. Filomena, Iligan City.
Duha ka samad pinusilan sa dughan ug usa sa walang kamot ang naangkon ni Datu.
Narecover sa kapulisan gikan sa patayng lawas ni Datu ang unom ka gagmayng heat-sealed transparent sachet sa gituohang shabu ug 500 pesos nga marked money.
Samtang nakaikyas sa operasyon ang kauban niining si alyas Coycoy sakay sa motorsiklo.
Facebook Comments
