Ang rebelding New Peoples’ Army (NPA) maoy gitumbok nga responsabli sa pagbanhig ni Datu Jomar Bocales, 42 anyos didto sa Barangay San Isidro, Lianga, Surigao del Sur kagahapon sa hapon gamit ang mga high powered nga armas.
Sigun ni PSSupt. Francisco Dungo, provincial director sa Surigao del Sur Police Provincial Office (PPO) nga walay laing armadong grupo ang gusto mokutlo sa kinabuhi ni Datu Bocales kondili ang rebelding NPA lamang tungod sa mga lihuk ug paningkamot niini nga nakaapekto sa walhong kalihukan.
Si Bocales ang Tribal Leader sa brgy. Ganayon, Lianga, Surigao del Sur maoy nagpasi-ugda sa mga peace rally nga gihimu sa mga lumad batok sa NPA.
Gibatikos usab niya ang pamaagi sa NPA nga gamiton ang mga lumad gikan sa Surigao del Sur padulong sa Manila aron ipa-apil sa mga lihuk protesta.
Tungod usab sa paningkamot sa biktima, daghan sa mga sakop sa NPA ang misurender sa kagamhanan ingun man napabungkag ang ALCADEV sa maong probinsya.
Anaa na sa luwas ang kahimtang ni Datu Bocales kinsa padayong nagpaalim sa balay tambalana sa iyang samad pinusilan nga naangkon saw ala nga bukton.
Dugtong sa maong balita… Walay duda si Datu Jomar Bocales nga ang rebelding New Peoples’ Army (NPA) maoy nagpusil kaniya ug wala nay lain pa.
Sa eksklusibong interview sa RMN DXBC Butuan, gibutyag ni Datu Bocales nga nailhan niya ang mga suspek nga mitira kaniya ug kompirmadong mga lumad ra usab nga sakop sa NPA.
Gikasubo ni Datu Bocales nga lakip sa nibanhig kaniya iya ra usab mga kaubang tribu lakip ang pamilyang Tejero kinsa pulos mga sakop sa walhong grupo.
Nasuko ang NPA kaniya tungod lang sa iyang pagbarug sa katungod sa mga lumad pinasikad sa balaod ug naningkamot usab ang mga NPA nga dili siya makalingkod isip Indigenous People Mandatory Representative (IPMR) sa ilang lungsod.
.
Ctto
Sent from my Samsung Galaxy smartphone.
