Daulah Islamiyah gituohang responsable sa Isulan bombing

39

Cotabato City – Gitudlo nga ang Bangsamoro Islamic Freedom Fighters (BIFF) ilawom sa Daulah Islamiyah Turaife Group ang maoy responsable sa pagpamomba sa Isulan, Sultan Kudarat Province.

Walo ang natalang angol lakip na usa kasa maong pagbusikad sa Improvised Explosive Device (IED) nga gibutang sa nakalinyadang mga motorsiklo duol sa palengke niadtong Sabado sa buntag.


Sa interbyu sa RMN Davao kang 6th Infantry Division OIC spokesperson Lt. Col. Edwin Alburo nga naghulat pa sila karon sa opisyal nga resulta sa imbestigasyon sa EOD sa pag-identipika sa ‘signature’ sa bombang gipabuto.

“Ang inisyal nga impormasyon ang gahimo matud pa Daulah Islamiyah Turaife Group under sa BIFF pero hangtod nga wala pa tay makuha nga magtestigo ana ug dili nila angkunon pod magsulat sa ta sa resulta sa joint investigation sa PNP ug AFP,” sumala ni Alburo.

Extortion o pangilkil ang gilantaw nga anggulo sa mga awtoridad sa pagpamomba ug pangpanghulga matud lamang kini tungod wala nisuporta ang mga negosyante segun ni Alburo.

“Naa man guy report gikan sa mga tawo nga nangayo’g extortion money didto sa mga establishments ug wala sila nisugot,” dugang Alburo.

Padayon nga ginarebyu sa mga awtoridad ang CCTV footage duol sa blast site.

Nanawagan ang militar sa katawhan nga mag-igmaton ug ireport ang mga suspisyusong mga indibidwal ug mga butang sa ilahang mga palibot.

RadyoMaN Aimee Guinita

Facebook Comments

From Advertisers