Davao 15 lanslide, flood prone areas na-identify

125

Davao City – Gideklarang “no build and habitation zones” ang 15 ka mga areas dinhi sa dakbayan sa Davao gumikan delikado kini sa pagbaha ug pagdahili sa yuta.

Kini base sa gilusad nga assessment sa City Disaster Risk Reduction Management Office (CDRRMO) tumong nga malikay sa peligro ang kinabuhi ingon man propriyedad sa katawhan.


Sumala ni CDDRMo Chief Alfredo Baluran, nagpadayon karon ang ilang pagtuki uban ang managlahing ahensiya alang sa hingpit nga pagkamugna og resolusyon nga ipasa ngadto sa konseho.

Base sa ilang assessment, unom ka mga area sa Davao ang nailang flood prone diin kini ang Dike, Phase 3, NHA Bangkal sa Barangay Talomo; Purok Lugot, Suraya Homes sa Cabantian; Purok 23, Kuot, Davao Impress Subdivision sa Barangay Sasa; San Juan Village, Bangkal sa Barangay Talomo; Taal Riverside sa Talomo ug New San Isidro sa Buhangin.

Samtang landslide-prone areas ang laing siyam partikular ang Purok Damayan sa Barangay Buhangin Proper; Old Smokey Mountain sa Barangay Matina Pangi; Quinones Compound sa Barangay Matina Crossing; Purok 29-B, SPDA sa Barangay Panacan; Phase 1, Greenland Subdivision sa Barangay Cabantian; Purok 46, San Vicente sa Barangay Talomo; Phase 3, Wellspring sa Catalunan Pequeño; Abrazaldo Compound sa Matina Crossing; ug Sitio Gulay, Sincere Subdivision sa Catalunan Pequeño.

Hinuon, wala pay datos kung pila ka mga residente ang ma-apektuhan niini.

RadyoMaN Jason Amisola

Facebook Comments

From Advertisers