Oro Kalayaan Job Fair 2019, nagmalampuson

9
PC: RadyoMaN Jonathan Bullo

Nagmalampuson ang gipahigayon nga Oro Kalayaan Job Fair sa Limketkai Atrium kagahapong adlawa.

 

Ang maong aktibidad gihimo alayon sa kasaulogan sa ika 121 ka tuig nga adlaw sa kagawasan o “Independence Day” .

 

Ang maong programa, namugna pinaagi sa inisyatibo sa Department of Labor ang Employment Regional Office 10 sa pagpangulo sa ilang RD nga si Atty. Joffrey M. Suyao og Service Office kon PESO.

 

Gibutyag pa ni DOLE Regional Director Atty. Joffrey M. Suyao, nga dul-an 19mil ka mga trabaho, ang gikinahanglan sa mga kompanya local man o overseas ang nagkinahanglan og mga trabahante.

 

Dugang pa ni Atty. Suyao nga sa local employment, dul-an 6mil ka mga job vacancies, ang gikinahanglan sa 62 ka mga pribadong kompanya, nga mi participate sa maong kalihokan og mukabat usab sa 11,500 ka mga job vacancies, alang na sa overseas employment sulod sa 22 ka mga recruitment agencies nga Accredited sa Philippine Overseas Employment Administration kon POEA.

 

Samtang sa ahensiya sa gobyerno nagkinahanglan usab ang opisina sa Philippine Drug Enforcement Agency kon PDEA, Dept. of Social Welfare and Development kon DSWD, Phil. Army og Phil. National Police.

 

Dugang pa ni Ma’am Mildred E. Dablo ang Labor Information Officer nga tungod kay bulan man sa Hunyo karon, gisaulod usab ang World Day Against Child Labor.

 

Kini dunay tema nga “Hayaan ang mga batang mangarap nang huwag malugmok sa trabahong mahirap”.

 

Nag-apod-apod ang maong ahensiya og 216 ka mga livelihood starter kit sa tibuok Rehiyon o Regionwide diin dinhi sa atong dakbayan dunay 25 ka mga ginikanan nga nakadawat sa maong livelihood starter kit aron makatabang kanila sa ilang adlaw adlaw  nga panginahanglanon og malayo ang ilang kabataan sa early child labor.

Facebook Comments

From Advertisers