Davao alerto sa coronavirus

434

Davao City – Hugot nga nagpatuman karon og monitoring, screening ug surveillance ang Bureau of Quarantine sa Francisco Bangoy International Airport subay sa report nga usa ka 5 anyos nga bata gikan sa Wuhan City sa China ‘tested positive’ sa gitawag nga ‘non-specific pancorona virus’ ug na-confine sa Cebu City.


Segun ni Sangguniang Panglungsod (SP) Committee on Health chairperson City Councilor Joselle Villafuerte, nakaalerto karon ang Davao City batok sa maong bag-o ug kulba nga matang sa balatian.

Matud sa konsehala, bantayonon gayod ang tanang mga musulod sa Davao International Airport pinaagi sa mga international flights sanglit adunay direct flights ang Davao ug China.

Tambag sa konsehal ngadto sa publiko nga kung adunay simptomas nga ilang mamatikdan, magpakonsulta gilayon sa mga doktor samtang gi-andam na sa Southern Philippines Medical Center (SPMC) ang mga pasilidades en caso nga adunay pasyenteng nagbaton sa mga timailhan sa SARS-like virus.

Gikatakdang magpahigayon og meeting ang Civil Aviation Authority of the Philippines (CAAP)-Davao ug Bureau of Quarantine karong adlawa.

RadyoMaN Aimee Guinita

Facebook Comments