Davao City – Andam na ang syudad sa Davao sa ipahigayon nga IronMan 70.3 karong umaabot nga Marso 24, 2019.
Kini ang gibutyag ni Davao City Mayor Sara Duterte-Carpio sa pakighinabi sa Davao media kaniya.
Saysay sa alkalde nga mga ‘minor preparations’ na lamang ang ilang ginabuhat alang sa maong ‘long-distance triathlon race.’
Nanghinaut usab ang alkalde nga mahatagan og solusyon ang mga problema nga nakita sa unang pagpahigayon sa maong dakong sporting event dinhi sa dakbayan.
“Hopefully, kadtong mga issues na atong nakita last year like basura, grabe ang basura ato. Mga problems on the road and kadtong mga feedback nato nga nakuha for improvement unta mabuhat nato this year.”
Nasayran nga gisugdan na ang preparasyon unom ka bulan ayha ang aktibidad subay usab standard nga gipangayo sa mga organizers alang sa host city.
Naglaum usab si Mayor Sara nga mag-enjoy ang mga bisita ingon ang mga atleta sa ilang kasinatian sa maong sporting event dinhi sa syudad.
“Hopefully, it will be improved, holding of the IronMan and then same as last year malipay ang mga bisita and mga athletes sa ilang experience sa Davao.”
Una nang gibutyag sa Sports Development Division-City Mayor’s Office (SDD-CMO) Officer-in-charge nga si Michael Denton Aportadera nga target nilang doblehon ang partisipante sa maong lumba nga muabot sa 3,000 karong 2019.
RadyoMaN Kirby Manzon
