Davao City – Gidugok sa mga Davaoeños ang Pasiugdang pagsaulog o opening sa ika-82nd Araw ng Davao nga gipahigayon sa Rizal Park kagabie.
Atol sa speech ni Davao City Mayor Inday Sara Duterte-Carpio gipasidunggan niini ang tanang mga matinud-anon ug mga disiplinadong mga Davaoeños.
Gisaluduhan sa mayor ang tanang responsableng mga mamumuo, negosyante ug mga tagbalay nga padayong nituman sa tanang mga ordinansa sa lungsod.
Giimbitahan niini ang katawhan nga masalmot sa mga aktibidad nga giandam sa lokal nga panggamhanan.
Samtang, nagpakusganay og cheer ang mga supporters sa mga partisipante sa 3 ka mga major pageants sa Araw ng Davao.
Gibutyag sa alkalde nga buot niini nga adunay mga representante ang kada gender dinhi sa syudad tumong kung nganong nadungag ang duha pa ka mga bag-ong pageants karong tuiga.
Usa-usa nga nagpaila-ila sa publiko ang 15 ka mga kandidato sa Ginoong Davao 2019, 30 ka kandidata sa Reyna Davaoeña nga mao ang mga representante sa LGBT community ug ang 15 ka mga maanyag nga kandidata sa Mutya ng Davao 2019.
Karong alas-3 sa hapon ang coronation day sa Mutya ng Davao sa Petro Gazz Arena samtang karong Marso 3 adlawng Dominggo usab ang Grand Coronation Day sa Ginoong Davao 2019 nga ipahigayon sa Davao City Recreational Center o kanhi Almendras Gym alas- 3:00 sa hapon.
RadyoMaN Aimee Guinita
