Davao City – Naghatag og mensahe si Davao City Archbishop Romulo Valles, DD, alang sa katawhan sa Dakbayan sa Davao subay sa pagsugod sa Semana Santa, diin nakabati og kabalaka ang kadaghanan, ning adlawng Dominggo, Marso 29, 2026.
Matud sa arsobispo, alang sa pagsugod sa Semana Santa, nanghinaot siya nga maka-ila ang katawhan kang Kristo Jesus ingon man makasabot sa krisis nga nasinati karon.
Kinahanglan lamang buhaton sa tawo ang kalibutanong mga butang kutob sa iyang makaya, mahimong responsable, ug kanunay mangayo og tabang sa Ginoo.
Dugang pa, naglaum siya nga hupayon sa Ginoo ang tanang kalisdanan sa katawhan, lakip na ang kalisod ug kawad-on sa kapasidad sa pagdiskarte sa kalibutanong mga butang.
RadyoMaN Gretchel Egut
Facebook Comments
