Davao City – Himuon karong adlawa (September 23, 2021) hangtud ugmang adlawa ang dry run sa ‘Bakuna Nights’ o ang vaccination program sa City Government of Davao nga himuon sa gabii alang niadtong dili makahigayon sa adlaw nga pagbakuna batok Coronavirus Disease 2019 (COVID-19).
Matud ni Dr. Michelle Schlosser, Spokesperson sa Davao City COVID-19 Task Force, nga ang maong dry run limitado lamang sa mga indibidwal nga wala nakadawat sa second dose sa Sinovac vaccine.
Gibutyag usab ni Schlosser (sa interbyu sa city-owned radio) nga giplanohan nga himuong vaccination sites alang sa ‘Bakuna Nights’ mao ang San Roque Elementary School sa Barrio Obrero ug sa Almendras Gym ning syudad sa Davao.
“We will be conducting a night shift vaccination solely for those kana ganing maglisod og adto sa mga vaccination sites during the day labi na kadtong mga naa sa atong sectoral population,” sulti ni Schlosser.
Gibutyag ni Schlosser nga plano nga ipahigayon ang maong pagbakuna gikan alas-3 sa hapon hangtud alas-9 sa gabii apan kinahanglan nga anaa na alas-8 sa gabii anaa na ang magpabakuna diin mag-cut off na usab sa maong oras.
Kinahanglan lamang nga dal-on sa vaccinee ang iyahang Safe DQR card, ID ug kaugalingon nga ball pen.
Subling gipasabot sa health official nga dili mamili og bakuna diin ang tanang bakuna nga gipaabot sa gobyerno luwas ug epektibo batok COVID-19.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
