Davao City – Padayon nga ipahigayon sa City Government of Davao ang ‘Bakuna Nights’ human gihimo ang dry run niini niadtong September 23-24, 2021 sa San Roque Elementary School sa Obrero, Davao City.
Matud ni Davao City Mayor Sara Duterte-Carpio (sa interbyu sa city-owned radio) nga walay rekomendasyon gikan sa vaccine cluster nga undangon ang ‘Bakuna Nights’ rason nga kini ipadayon paghatag tyansa sa mga indibidwal nga dili makahigayon og pagpabakuna sa adlaw.
“So far, wala pa may recommendation ang atoang vaccine cluster nga hunongon ang atoang ‘Bakuna Nights’. This will continue on as one of our strategies para ma-target nato ang 438,000 nato nga first doses,” sulti sa alkalde.
Kahinumduman nga niadtong unang adlaw sa Bakuna Night, niabot sa 588 ang nabakunahan batok COVID-19 ug positibo sa Davao City COVID-19 Task Force nga pinaagi sa pagpalapad pa sa vaccination program sa lokal nga gobyerno, makab-ot sa syudad ang herd immunity sa bulan sa Nobyembre 2021.
RadyoMaN Kirby Manzon
