Davao calamity prone areas giila

Davao City – Pito ka mga barangay sa syudad sa Davao ang gi-identify sa City Disaster Risk Reduction Management Office (CDRRMO) nga ‘prone to calamity’.

Sumala ni CDRRMO officer in charge Alfredo Baluran, kini mao ang Brgy. Crossing Matina, Brgy. 5-A, Brgy. 19, Brgy. Ma-a, Brgy. Talomo, Davao River basin ug Brgy. Lasang.

Gani sa pagkakaron, gikanayon ni Baluran nga nagmontar na sila og early warning devices aron dali na lamang magmonitor sa posibleng epekto sa bisan unsang kalamidad.


Aduna na usay siren ingon man water level gauges nga magmonitor sa kasapaan ug kadagatan.

Tumong karon sa CDRRMO ang ‘no rescue’ panahon nga adunay muigo nga kalamidad gani ilang kanunay ginaedukar ang katawhan ingon man awhag labot sa importansya sa pre-emptive evacuation.

Sa pikas bahin gibutyag ni Baluran nga mamahimo nang gamiton ang gitukod nga evacuation center sa may Los Amigos, Tugbok ilawom sa ikatulong distrito.

Samtang nagpadayon ang konstruksyon sa evacuation centers sa unang distrito nga usa ka disaster warehouse ug sa ikaduhang distrito nahimutang sa Mahayag ning syudad sa Davao subay usab sa rekomendasyon nga kinahanglan matag distrito magbaton og evacuation centers panahon sa nga maigo og kalamidad ang dakbayan.

RadyoMaN Jason Amisola

Facebook Comments