Davao City – Suportado sa Tri-Media Organization for Peace Alliance In Mindanao Incorporated (TROPA) ang lakang karon ni Mayor Inday Sarah Duterte-Carpio nga dili ilakip ang syudad sa Davao sa peacetalk tali sa gobyerno ug sa CPP-NPA-NDFP sa 2020.
Matud ni TROPA President Manny Autida, ang hukom sa mayora sa dili pag-apil sa dakbayan sa mahitabong hinabing pangkalinaw nga mo-arangkada karong January 2020.
Daku ang pagtoo ni Autida nga hagbay nang nakasabot ang presidential daughter sa ka-traydor sa mga komunista ug bisan kanus-a, dili gayod sinsero ug kasaligan naasoyng pundok diha sa hisgotanang pangkalinaw.
Kini napamatud-an na sa nanglabay’ng mga panahon nga luyo sa panag-istoryahanay sa kalinaw sa GRP ug NDFP Panels nga gihimo sa The Hague, Netherlandsm ang ila usab mga armado padayon sa pagpanulong, naga pamanhig, naga pangilkil, naga-organisa ug naga-recruit ug nagpakusog sa ilang armadong puwersa.
Alang kang Autida, ang paggamit og puwersang militar sa gobyerno mao ra’y bugtong pamaagi aron hingpit tuldokan ug humanon na ang lima ka dekada nga insurhensiya sa Pilipinas mugna sa Philippine Maoist communists ug gawas niana wala na’y lain pa.
RadyoMan Joel Viray
