‘Davao Citizens Complaint Center’ gimuntar

38

Davao City – Gibutyag sa Human Resource Management Office (HRMO) nga mamahimo nang direktang mureklamo bahin sa mga ahensiya sa lokal nga panggamhanan ngadto sa Office of the President pinaagi sa gimontar nga Citizens Complaint Center.

Sumala ni HRMO head Erwin Alparaque nga koordinasyon kini nila sa Office of the President, Office of the Secretary, Department of Interior and Local Government (DILG), Civil Service Commission, ug Presidential Communications Operations Office (PCOO) diin ang mga reklamo mamahimong ipadayag pinaagi sa text, tawag o electronic mails.

“Immediately, the complaint will be sent back to the LGU concerned through the City Government Portal or the 888 portal,” segun niini.

Gitataw ni Alparaque nga subay sa Anti-Red Tape Act, gikinahanglan nila kini ma-aksyonan sulod sa 72 ka oras diin lakip na dinhi ang weekends ug holidays apan masuspende lang kini kung matunong sa Philippine Holiday.

Dugang sa nangulo sa HRMO, nakadawat na ang Davao og reklamo gikan sa maong center ug gihimo’ng responsable ilang opisina nga magmonitor niini pinaagi sa mando sa City Administrator’s Office.

Giklaro ni Alparaque nga ang mismong Citizens Complaint Center ang magdeterminar ug magdeklara kung naresolba na ang issue o wala.

RadyoMaN Jason Amisola

Facebook Comments