Davao City – Miarangkada sa unang pwesto ang Davao City sa nagpadayong Davao Region Athletic Association kun DAVRAA meet 2018.
Base kini sa pinakaulahing update sa Partial and Official Medal Count nga gipagula sa DAVRAA.
Sa overall ranking, nanguna karon ang Davao City, gisundan sa Davao del Sur, rank 3 ang Digos ug Tagum City samtang rank 5 ang Comval, rank 6 ang Panabo ug Davao del Norte, rank 8 ang IGACOS, Mati City, Davao Oriental ug Davao Occidental.
Sa karon padayon pang ginapahigayon ang nagkadaiyang events sa DAVRAA 2018 dinhi sa syudad.
Sa pikas bahin, nahinabi ni Radyoman Erin Lumusbog kaganinang buntag ang pipila ka mga gold medalists sa DAVRAA.
Usa na dinha si Dharlie Baguisan gikan sa Digos City nga nakakuha og gold medal alang sa Secondary 110-meter hurdles samtang sa Secondary girls 3000-meter (3000m) run, nasakmit kini ni ni Julia Laranjo gikan gihapon sa Digos City.
Malipayon ang mga nasangpit nga mga atleta sa resulta sa ilang dula ug laumang makakuha pa sila og daghang medalya.
RadyoMaN Renz Barbarona
