Davao City – Gikalipay sa Davaoeños ang pag-apruba sa Inter-Agency Task Force (IATF) sa hangyo sa City Government of Davao nga ipailawom ang syudad sa General Community Quarantine (GCQ) sugod karong adlawa, July 16 hangtud sa July 31, 2021.
Sa giaprubahang community quarantine classification ni Presidente Rodrigo Duterte, ipailawom ang Davao City sa GCQ “with heightened restrictions” nga mas luag gikan sa Modified Enhanced Community Quarantine (MECQ) status nga kanhi status sa syudad. Sa Davao Region, gipailawom usab sa GCQ ang probinsya sa Davao Oriental.
Samtang, magpabilin sa MECQ ang probinsya sa Davao del Norte, Davao de Oro, Davao del Sur ug Davao Occidental.
Matud sa netizens, dako og tabang ang pagpaluag sa quarantine status aron maka-operate ang ubang establisyemento nga sirado ilawom sa estriktong quarantine classification sama sa ECQ o MECQ diin daghang trabahante usab ang apektado.
Gipaabot na lamang usab ang ipagawas sa lokal nga gobyerno nga guidelines ilawom sa GCQ with ‘heightened restrictions.’
RadyoMaN Kirby Manzon
