Davao City – Gikondena sa Integrated Bar of the Philippines (IBP) Davao City Chapter ang pagpusil patay kang Atty. Sitti Gilda Mahinay-Sapie ug bana niini nga si Muhaimain Sapie sa mismong subdivision nga ilang gipuy-an sa Barangay Talomo ning syudad sa Davao.
Sa interbyu sa DXDC RMN Davao kang IBP Davao City Chapter President Atty. Maceste Uy, nanawagan kini sa Philippine National Police ug uban pang law enforcement units nga imbestigahan ang twin murder ug gukdon ang mga responsable sa nasangpit nga heinous crime alang sa hustisya sa mga biktima.
“Ang IBP ready nga mu-cooperate sa mga law enforcement agencies kung unsay pweding atong matabang, kung unsay mga impormasyon nga kinahanglan sa atong ahensya sa gobyerno nag related ug material sa investigation,” matud ni Uy.
Gibutyag ni Uy, ang IBP adunay gialokar nga financial assistance alang sa nahibiling pamilya sa gipatay nga abogada. Andam ang IBP Davao City Chapter nga hatag of libreng legal assistance sa pamilya sa magtiayong Sapie.
RadyoMaN Aimee Guinita
