Davao City hitsas sa disaster preparedness

39

Davao City – Bisan tuod wala direkta miigo sa siyudad ang bagyong basyang apan hugot nangandam ang Davao City Disaster Risk Reduction Management Council (DCDRRMC).

Una paman hingpit misulod sa Philippine Area of Responsibility (PAR) si Basyang gihikutar na daan sa city disaster ang mga kagamitan pangrescue, koordinasyon sa mga Barangay Disaster Risk Reduction Management Council (BDRRMC), ug mga command centers.

Matud ni City Disaster Head Rodrigo Bustillo, wala say puas ang awareness campaign sa ilang buhatan ngadto sa mga barangay aron itudlo sa mga tawo ang angay buhaton panahon sa bagyo ug kalamidad.

Gikalipay ni Bustillo, ang paghikling sa mga residente sa barangay tigatto bisan og wala silay gipatuman nga pre-emptive evacuation sa mga barangay nga anaa sa daplin sa davao river.

Alang niya, maayo kadto nga development tungod kini nagpasabot nga nakakat-on na ang mga tawo sa bagyong Vinta human gilunopan ang ilang mga balay sa Tigatto, Mandug, ug Bolton area.

Ug tungod ani, nanghinaot ang opisyal nga himoon nang kabahin sa kinaiya sa mga tawo ang paghikling sa wala pa ang bagyo sanglit dili buot sa City Disaster nga dunay reskyuhon sa kalamidad.

Gisulti pa sa labaw sa City Disaster nga mahinungdanon ang pagpangandam kay makatabang kini aron makalikay sa piligro nga hatud sa bagyo ug kalamidad.

Ang kamandoan sa lokal nga kagamhanan nga i-suspender ang klase sa tanang tulonghaan sa siyudad ug ang paghikling sa mga tawo sa ilang mga pinuy-anan matawag kadto nga pro-active.

Dugang ni Bustelo, importante kaayo nga kanunay pro-active ug dili reactionary ang mga barangay ug ang mga residente kay sigurado mahilayo gayod sila sa disgrasya panahon sa pagkusokuso sa bagyo.

RadyoMaN Joel Viray

Facebook Comments