Davao City host sa NPOC-RPOC meeting

74

Davao City – Gipanukaran sa Police Regional Office XI ang taliabot nga Joint National Peace and Order Council-Regional Peace and Order Council (NPOC-RPOC) Meeting sa Ritz Hotel, Obrero ning syudad karong Nobyembre 26, 2018.

Ang syudad maoy host niining nga aktibidad ug gatusan ka mga partisipante lakip na mga TOP ranking DILG officials ug RPOC chairpersons ang mutambong niini.

Atol sa inter-agency coordinating conference niadtong Huwebes, gibutyag ni PRO XI Regional Director PCSupt Marcelo Morales nga hitsas na ang inter-agency security task group alang sa seguridad sa importanteng panagtigom sa mga opisyales.

“With the successful hosting of the previous big events in the city, the major event security framework will be adopted to ensure a safe NPOC-RPOC meeting,” matud Morales.

Gipaniguro ni Morales nga aron luwas ang tanang mga partisipante nagpakatag kini’g daghang ihap sa mga personahe ilabina sa event site.

Panawagan niini sa tanang mga Provincial Directors nga kinahanglang visible gayod ang kapulisan sa kay posibleng muduaw usab ang mga bisita sa ilang mga lugar.

Samtang segun ni Davao City Police Office kun DCPO PSSUPT Alexander Tagum nga ugmang adlawa gikatakda ang pagpakatag sa maximum personnel alang sa seguridad sa nasangpit nga aktibidad.

RadyoMaN Aimee Guinita

Facebook Comments