Davao City – Gi-intensify sa Regional Internal Affairs Service XI ang ilang internal cleansing sa mga kapulisan dinhi sa Davao Region.
Giawhag ni RIAS XI Regional Director PCSUPT Jose Carumba ang publiko nga i-sumbong kanila ang mga salawayong pulis.
Gipaniguro sa RIAS XI nga magpabiling confidential ang matag reports sa publiko.
“To the people of Davao Region to help us in the PNP to maintain the discipline of our PNP personnel so kung naa moy mga napansin diha nga mga abusadong pulis nato o pasaway please inform us, ang immediately we will investigate the case,” matud ni Carumba.
Gitataw niini nga dili kaayo daghan ang ihap sa mga pulis nga gipangreklamo dinhi sa Davao kung itandi sa ubang mga lugar sa nasud.
“We’re disciplined compared to other regions at may comparative data po tayo diyan,” sumala niini.
Panawagan niini sa mga pulis nga ilabina doblado usab ang ilahang ginadawatang sweldo nga mutuman gayod sa balaod ug dili magpakaulaw sa ilahang organisasyon.
“I would like to remind the PNP in Region XI to just follow the policy, follow the law and rules and regulations para maiwasan iyong mga kaso,” segun niini.
Mokabat sa 105 ka mga pulis dinhi sa Davao Region ang gipailawom sa imbestigasyon gumikan sa nagkadaiyang mga pasangil.
Kini base sa gipagulang rekord sa PNP Regional Internal Affairs Service XI gikan sa bulan sa Enero hangtod Hunyo karong tuiga atol sa 3rd Regional Advisory Council.
Gibutyag sa RIAS XI nga 67 ka mga kaso ang ilang nadawat ug gipailawom sa summary hearing.
Sa talaan, 77 ka mga Police Non Commissioned Officers o gikan PO1 ngadto sa SPO3 ug 11 ka mga Senior Inspectors, 16 ka mga Chief Inspectors ug usa ka Superintendent ang gipangkasuhan.
Sumala sa RIAS XI nga 26 ka mga kaso ang ilahang naresolba diin 33 niini ang naabswelto, 26 ka kaso ang na-dismissed, 4 ang nasuspende, walay na demote ug usa ang natanggal sa serbisyo.
Ginahulat pa karon sa RIAS XI ang mga posibleng mga kausaban sa maong desisyon.
RadyoMaN Aimee Guinita
