Davao City – Wala gikalipay sa mga netizens ang pagkalambigit sa usa ka empleyado sa gobyerno sa drug raid niadtong November 6, 2021 sa Mabini, Davao de Oro diin 17 ka indibidwal ang nadakpan ug P1.5-M party drugs ang nasakmit sa otoridad.
Kumento sa netizen nga si Jurzs Rodriguiz Daplin, pakyas ang war on drugs sa gobyerno kung mismong empleyado sa panggamhanan ang nalambigit niini.
“Sigeg War on Drugs ang Gobyerno Pero ang mga sakop ra d i ang number one nga nagpaluyo o mga gagamit. Haha unsaon pag wala nga naa man sa admin sa gobyerno ang gadula / gagamit. And dili na dakpon or prisohon kay datu unya government employee. Alright!!! [sic],” kumento niini.
Kagahapong adlawa (November 9, 2021) sa dihang gikumpirma ni Davao City Mayor Sara Duterte-Carpio nga gipapha na ug dili na konektado sa City Government of Davao si Jefry Tupas, kanhi City Information Officer human sa pagkalambigit niini sa naasoy nga drug raid.
Sa official statement ni Mayor Sara sa iyang Facebook page, niadtong Domingo sa dihang mi-resign si Tupas sa posisyon usa ka adlaw human drug raid diin gilayon usab nga gipahibalo sa kanhi information officer nga siya gitanggal na sa iyang trabaho.
“The former City Information Officer, Jefry Tupas, of the City Government of Davao was involved in a drug raid last November 6 in the Municipality of Mabini, Province of Davao de Oro. The details of the raid are known only to the PDEA officers in Davao de Oro and Ms. Tupas. Last Sunday, Jefry signified his resignation and on the same moment he was informed that he is terminated from work with the City Government of Davao. Thank you,” pamahayag ni Mayor Sara.
Una na usab nga nagpagawas og pamahayag si Tupas human nalambigit sa drug raid diin giangkon niini nga naimbitahan siya sa maong party, apan nilakaw ra usab ssiya uban ang iyang partner ug usa pa pa kauban human sa panihapon
“I was there because like the other guests, I was invited. But I left right after dinner with my boyfriend and another friend,” pamahayag ni Tupas.
Apan aduna nay mga pagbulgar ang mga nadakpan nga adunay anomaliyang nahitabo atol sa raid ug adunay mga pangalan nga involved apan wala nahilakip sa gidakop diin usa na niini mao ang naasoy nga opisyal sa lokal nga gobyerno.
RadyoMaN Kirby Manzon
