Davao City Mayor Sara-Duterte gikondena ang pagpatay kang Mayor Lajid

43

Davao City – Hugot nga gikondena ni Davao City Mayor Sara Duterte-Carpio ang pagpatay kang Basilan Al Barka Mayor Darussalam Saguindilan Lajid sa wala pa mailang mga gunmen sa Zamboanga City.

Sa report, kritikal ang kondisyon sa mayor sa Akbar, Basilan nga giilang si Mayor Alih Awal Sali samtang patay ang security escort niini nga si Barad Nuruddin.

Sa statement ni Duterte kinsa Lakas-CMD Chairperson, nasubo kini sa kamatayon ni Mayor Lajid nga iyahang higala ug ka-partido.


Gitawag sa mayor nga tinalawan kini nga hinimuan ug nanghinaot nga madakpan ang mga perpetrators nga responsable sa krimen.

Nipadangat kini uban usab sa mga opisyales ug miyembro sa Lakas-CMD og pag-ampo ug pahasubo.

Gitinguha usab sa Mayor ang paspas nga recovery usab ni Mayor Sali.



RadyoMaN Aimee Guinita

Facebook Comments