Davao City – Nagpabiling gawasnon gihapon sa sakit nga African Swine Fever (ASF) ang syudad sa Davao.
Kini ang gikumpirma ni Dr. Cerelyn Pinili sa City Veterinarian’s Office atol sa gipahigayong iSpeak Forum kinsa nagkanayon nga dili kini makatakod sa tawo apan sa mga baboy lang gihapon.
Gumikan usab nagpositibo kini sa Luzon, saysay niini nga kaniadtong Setyembre 14 gimugna ang Task Force batok ASF nga gipangulohan sa Mayor sa Davao ingon man sa City Administrator.
Dugang ni Pinili nga nagmugna na usab sila og technical teams alang sa rapid action, census, surveillance, ug quarantine.
Saysay sa maong doktor nga ang maong grupo maoy responsable sa pag edukar alang sa mga backyard hog raisers, pag monitor sa mga slaughter houses ingon man sa mga mag-uuma.
Nagmontar na usab og quarantine ug foot bath sa mga Task Force checkpoints diha sa Sirawan, Lacson ug Lasang aron masiguro nga walay makasulod nga ASF virus dinhi sa syudad.
RadyoMaN Jason Amisola
