Davao City – Nanguna ang Davao City sa pinakaulahing update sa medal tally sa nagpadayong Batang Pinoy 2019.
Sa latest partial and official result nga gipagula sa Batang Pinoy 2019 facebook page, adunay 22 ka gold, 13 ka silver ug 30 ka bronze medals ang Davao City.
Gisundan kini sa Koronadal City nga adunay 18 gold, 9 silver ug 6 bronze medals, Ikatulo ang South Cotabato sa 15 golds, 19 silver ug 16 bronze medals.
Samtang anaa sa pang upat nga pwesto ang General Santos, panglima ang Davao del Norte, pang unom ang Tacurong City, pang pito ang Zamboanga City, pang walo ang Cagayan de Oro, ika-siyam ang Butuan City ug ika-napulo ang Cotabato Province.
Kahinumdoman nga opisyal nga gibuksan ang Mindanao Leg sa Batang Pinoy 2019 kaniadtong Pebrero 3, 2019 didto sa Davao del Norte Sports and Tourism Complex diin usab ang maong lugar usab ang host niining aktibidad.
Ang Batang Pinoy gidisenyo alang sa mga nag edad 15-anyos pababa nga mga atleta diin kini mao ang core model sa Philippine Sports Commission (PSC) sports for peace program subay sa Unesco-cited Children’s Games.
RadyoMaN Jason Amisola
