Davao City- Gipasidunggan ang syudad sa Davao human kini nakadawat og recognition isip ‘Clean Air City’ human sa gipahigayong survey sa Clean Air Philippines Movement Incorporated (CAPMI).
Sa programa nga gilusad sa Department of Environment and Natural Resources (DENR) subay sa selebrasyon sa Clean Air Month, gihatagan usab og recognition si Davao City Mayor Inday Sara Duterte Carpio isip ‘Clean Air Champion’ tungod sa mga programa niini nga gilusad alang sa pagpatuman sa Clean Air Act.
“Ang Davao, gumawa sila ng mga programa and they implemented the programs that they initiated pursuant to the Clean Air Act of 1999. This mayor (Mayor Sara Duterte) na napusuan naming as our ‘Clean Air Champion’ did her duty to support the Clean Air Act of 1999. Kaya ang Davao malinis eh,” giingon ni Dr. Michael Aragon, ang chairman sa CAPMI.
Gawas niini naghatag usab og funding assistance ang Environmental Management Bureau ( EMB) sa tulo ka mga public markets dinhi sa dakbayan alang sa waste diversion sa mga biodegradable waste materials sa atong mga public markets.
Giingon ni Virginia Lobaton, Technical Staff sa Ecologocal Waste Management Section sa EMB-XI, ang Agdao, Bankerohan ug Calinan Public Market nakadawat og 190,000 pesos alang sa pagpalit og shredder machine aron himuong soil enhancer ang mga biodegradable waste materials kini subay sa implementasyon sa R.A 9003 kon ang Ecological Solid Waste Management Act.
RadyoMan Abi Bibera
