Scammer, gingagamit an ngaran ni Vice Mayor Yaokasin para makapanguwat

TACLOBAN CITY – Iginkakabaraka yana ni Tacloban City Vice Mayor Jerry Sambo Yaokasin kay may bag-o yana nga modus iton mga scammer, gingagamit an ngaran niya pag order hiton magkadurudilain nga butang ngan hiya iton magbabayad.

Damo na iton dumaop ha iya opisina kay nag order daw hiya hin 3 la nga litson, mga office supplies, nagpabook daw hiya hin ticket abroad nga nagkakantidad P100, 000 ngan iba pa.

An makalolooy hini an nabiktima han scam kay nakadto ha opisina ni Vice Mayor Yaokasin pagsukot nala.


Sumala kan Vice Mayor Jerry Sambo Yaokasin, nagpabulig na hiya ha Tacloban City Police Office ngan nasabtan niya nga diri mga taga Tacloban an nagbubuhat hini nga scam.

โ€œNasabtan naton nga ini nga scammer in diri taga dinhi, gincheck an ira usa nga cellphone number ngan natrace nga taga General Santos City.โ€

Iba an pamaagi hini nga mga scammer kay gamit an ira cellphone natawag hira ha mga establisyemento ha syudad han Tacloban ngan nagpapanggap ala Sambo Yaokasin.

An iba nakapanhatag na hin load nga nagkakantidad 5,000 ngan 11,000.

โ€œPagbati nira ha tawag natataranta daw liwat hira kay Vice Mayor Yaokasin daw an natawag ha ira.โ€

Abiso ni Vice Mayor Yaokasin ha publiko pag may tumawag ngan napakilala nga hira iton Vice Mayor han Tacloban, diri magpa uwat ngan diri na batunon ini nga sugad nga modus operandi.

Facebook Comments