Davao City – Laumang padayong makasinati og mga pag-ulan panahon sa gabii ang katawhan sa Davao region ilabi na sa syudad sa Davao.
Kini ang gibutyag ni Honey Perez sa Pag-Asa Davao atol sa interview sa DXDC RMN Davao kaniya diin matud pa ang pag ulan nga nasinatian karon sa katawhan gumikan sa localized thunderstorms ug base sa weatherforecast hangtod pa kini karong Mayo 14, adlawng Lunes.
Kagabii, subling gibaha ang pipila ka mga lugar sa syudad sa Davao ilabi na ang area sa may JP Laurel avenue diin daghang mga pasahero ang na-stranded sa kadalanan human nga mibundak ang kusog nga ulan inubanan sa kusog nga hangin.
Subay sa lakat sa panahon karong adlawa, ang tibuok dapit sa Mindanao makasinati sa pat-ak pat-ak nga pag ulan kilat ug pagpanalugdog tungod kini sa localized thunderstorms, hinay ngadto sa kasarangan nga hangin ang magagikan sa sidlakan ngadto nasa amihanang sidlakang direksyon ug ang kadagatang hapsay ngadto na sa kasarangan ang pagbalud.
RadyoMaN Renz Barbarona
