Davao City – Sa ikatulong higayon, subling gibaha ang pipila ka areas sa syudad sa Davao gumikan sa pagbunok sa ulan kagahapong adlawa nga dala sa localized thunderstorm.
Miabot sa critical water level ang Matina River gani gipatingog ang siren ug gipatuman ang forced evacuation sa mga residente sa Matina Pangi, Matina Aplaya, ug Matina Crossing.
Anaa sa 52 ka pamilya sa Matina Crsossing ang nagpasilong sa baranggay hall sa Matina Crossing, 26 ka pamilya kun 65 ka indibidwal ang mibakwit sa Matina Pangi ug midretso sa Matina Pangi Elementary School.
Mi-overflow usab ang Siera Madre River gani kutob hawak ang lebel sa tubig sa Tacunan area.
Nakasinati usab og kusog nga pag-ulan ang Brgy. Biao Escuela, Brgy. Mintal sa Tugbok District, Brgy. Malabog sa Paquibato District, ug Brgy. Calinan sa Calinan District.
Hinuon sa pagkakaron balik normal na ang lebel sa tubig sa mga kasapaan sa Davao gani hinay-hinay nang mibalik sa ilang panimalay ang mga residenteng namakwit kinsa nabalaka sa pagbunok sa ulan adlaw’ng Lunes sa gabii.
RadyoMaN Jason Amisola
