Davao City – Gikan Modified Enhanced Community Quarantine (MECQ) giluagan usab ang quarantine status sa pipila ka mga probinsya sa Davao Region.
Gianunsyo ni Presidential Spokesperson Harry Roque kagahapong adlawa (July 23, 2021) ang pagpailawom sa GCQ with heightened restrictions sa probinsya sa Davao de Oro, Davao del Norte epektibo kagahapong adlawa samtang ang Davao del Sur, gipailawom sa GCQ.
Nagpabilin ang Davao City sa GCQ with heightened restrictions, ang Davao Oriental anaa sa GCQ status samtang nag-inusara sa MECQ ang probinsya sa Davao Occidental.
Kahinumduman nga gipailawom sa MECQ ang entero rehiyon niadtong July 1, 2021 human sa padayong pagtaas sa kaso sa Coronavirus Disease 2019 (COVID-19).
As of July 23, 2021, muabot na sa 6,723 ang aktibong kaso sa COVID-19 sa rehiyon human nga adunay nadugang nga 374 COVID-19 cases kagahapong adlawa.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
