Davao City – Gihingusgan sa City Health Office ang kampanya aron makontrola ang ihap sa kaso sa dengue sa syudad.
Sa pakighinabi sa RMN Davao kang CHO Tropical and Nutrition Division head Elizabeth Banzon nga hangtod karon wala pay cure o tambal ang sakit nga dengue busa gikinahanglan gayod nga magtibangay ug maghiusa ang tanan sa pagimplementa sa 4S kun Search Destroy Measures ( Oplan Kulob, Taklob ug Yabo), Self Protective Measures, Seek Early Medical Consultation and Support Spraying and Fogging during outbreaks.
Matud niini nga kontralado pa ang kaso sa dengue sa Davao City kung itandi sa laing mga areas sa nasud.
Sa rekord sa CHO Tropical Division Davao sukad Enero hangtod Hunyo 30 karong tuiga nakatala ang dakyaban og 1,121 cases ug lima ka death cases.
Nanawagan kini sa tanang mga barangay officials nga maginisyatibo nga i-intensify ang ilahang clean up drive aron dili makahigayon ang mga lamok nga nagdala’g sakit nga dengue nga mabuhi sa ilahang mga lugar.
RadyoMaN Aimee Guinita
