Davao Councilors mupailawom sa HIV-AIDS testing

22

Davao City – Boluntaryo ug dili obligado ang mga konsehal sa syudad sa Davao nga mupartisipar sa HIV-AIDS testing.

Kini human mupailawom sa HIV-AIDS testing ang mga sakop sa Davao City Council karong Nobyembre 22 isip suporta sa komemorasyon sa World Aids Day.

Gidasig ni Priscilla Senoc, Health Education and Promotion Officer III sa City Health Office (CHO), ang tanang membro sa local government unit nga mupailawom sa HIV-AIDS testing aron magsilbing ehemplo ug mabatukan ang stigma nga walay angay kabalak-an ang mga tawong naghambin sa maong sakit.

Subay niini, magpagula og memorandum si Vice Mayor Bernard Al-ag bahin sa hangyo sa CHO aron awhagon ang tanang kakaubanan niini lakip na ang 18th City Council nga mupailawom sa HIV-AIDS testing.

Samtang, gi-imbitahan sab ni Senoc ang uban pang trabahante sa gobyerno nga boluntaryong magpatest.

Gikatakdang i-komemorar ang World AIDS Day sa Disyembre 1 apan nakadisidir ang syudad sa Davao nga ibalhin kini sa Disyembre 4.

RadyoMaN Jason Amisola

Facebook Comments