Gibutyag ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), nga kagahapong adlawa (June 8, 2022), adunay natala nga onse (11) ka COVID-19 cases sa Davao City, mas taas kung itandi sa mga natalang kaso sa nilabay nga mga adlaw.
Matud ni Schlosser, anaa karon sa 2.6% ang positivity rate kung basehan ang bag-ong mga kaso. Hinuon kontrolado gihapon ang kaso sa COVID-19 sa dakbayan.
“Sa mga nilabay nga week, ang atong positivity rate is less than one percent. This is isa sa mga very first time, for a long time na nagkaroon ‘ta og 2.6% na positivity rate,” sulti ni Schlosser.
Padayon karon ang gihimong contact tracing ug isolation sa maong mga kaso.
Walay hunong ang panawagan sa health official sa publiko nga magpabakuna batok COVID-19 aron maproteksyonan ang kaugalingon batok sa makatakod nga balatian.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
