Davao COVID-19 TF: Holiday surge gipangandaman

31

Davao City – Gipaniguro sa City Government of Davao pinaagi sa Davao City COVID-19 Task Force (TF) nga andam kini ugaling magbaton man og surge sa Coronavirus Disease 2019 (COVID-19) cases karong holiday season.

Matud ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), nga naka-andam kanunay ang mga stratehiya nga maoy gina-implementar panahon sa pagsutoy sa kaso sa COVID-19.

Gisulti ni Schlosser nga ipatuman gihapon sa Local Government Unit (LGU) ang Prevention, Detection, Isolation, Treatment, ug Reintegration (PDITR). Kini gawas pa sa zoning containment strategy sa mga establisyemento ugaling sila magbaton og daghang kaso, ug ang pagpatuman sa uban pang direktiba sa lokal nga panggamhanan.


“We are very much prepared for the surge but we are hoping na dili siya mag-surge because when mag-surge dako’g chance nga daghan ang mangamatay, maapetuhan ang mga kapamilyahan,” sulti ni Schlosser.

Padayong panawagan sa health official sa Davaoeños nga padayong sundon ang ginapatumang minimum public health standards batok COVID-19 labi na nga bag-o ra nahuman ang Pasko ug aduna pay posibleng mass gathering sa pagsugat sa Bag-ong Tuig.

RadyoMaN Kirby Manzon



Facebook Comments