Davao COVID-19 TF: Libreng bugas sa magpabakuna nagpadayon

53
Davao City – Padayong giawhag sa Davao City Coronavirus Disease 2019 (COVID-19) Task Force (TF) kadtong mga unvaccinated individuals nga magpabakuna na batok COVID-19.

Sumala ni Dr. Michelle Schlosser, tigpamaba sa Davao City COVID-19 TF (sa interbyu sa city-onwed radio), ang mga magpabakuna karon sa mga vaccination sites sa dakbayan sama sa People’s Park ug Crocodile Park, hatagan og usa ka kilong bugas matag tawo nga magpabakuna.

Nagpasabot nga kung lima ka miyembro sa pamilya ang magpabakuna, lima usab ka kilo nga bugas ang ilang mauli isip insentibo sa ilang pagpabakuna.

“Open ‘ni siya sa tanang magpabakuna. Whether it’s the first dose, second dose, first booster, second booster, and then open pud ‘ni siya sa tanang edad. Nanghatag gani ‘mi kadtong mga bata nga nagpabakuna. Gitagaan gyud namo sila og isa ka kilong bugas. Incentive ‘ni siya sa tanang magpabakuna,” sulti ni Schlosser.

Ginapasabot kanunay sa health official, ang importansya sa bakuna ilabina nga aduna gihapoy nagasulod nga bag-ong variant sa COVID-19 ug dugang proteksyon usab kini ilabina karon nga aduna nay face-to-face activities sa dakbayan.

RadyoMaN Kirby Manzon



<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments