Matud ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), isip usa ka medical practitioner, pinaka epektibong pamaagi gihapon aron malikayan ang takud sa virus mao ang pagsunod sa minimum public health standards ilabina ang pagsuot og face mask, social distancing ug frequent handwashing.
“As of today, dili nagatuo ang COVID-19 Task Force that breaking or losing the minimum public health standards is necessary yet. Para sa atoa diri sa Davao City, I don’t think it’s applicable yet,” tataw ni Schlosser.
Gipasabot sa health official, kini ang rason nga gatusan ka mga personahe gikan sa COVID-19 Response Cluster ug City Government of Davao ang gi-deputize aron masegurong masunod sa publiko ang health and safety protocols.
Dugang sa health official, mag-agad sa mga Davaoeños ang pagpailawom sa syudad sa mas luag pa nga alert level o COVID-19 Alert Level 1.
RadyoMaN Kirby Manzon
