Sa interbyu sa DXDC RMN Davao kang Dean Ortiz, tigpamaba sa DPWH-XI, gibutyag niini nga gisusi na sa mga engineer ang hinungdan sa pag-collapse sa tulay, diin duha (2) ka trabahante ang nasamdan.
“Kasamtangan nagpahigayon og imbestigasyon ang atong opisina sa insidente aron masuta ang hinungdan sa pagkahugmak sa tulay nga component sa maong ongoing nga proyekto,” sulti ni Dean Ortiz
Ang maong tulay magkonektar sa Sitio Kulafu ug Barangay Magsaysay, Marilog District nga gisugdan niadtong Disyembre 2020 nga nagkatidad og P93.7 million nga gi-implement sa Davao City 2nd District Engineering Office.
Mahuman na unta ang maong tulay sa sunod bulan apan tungod sa insidente, laumang madelatar ang proyekto ug ang contractor maoy responsable niini.
Sa pagkakaron, adunay detour bridge sa lugar nga maoy temporaryong maagian sa mga residente.
RadyoMaN Kirby Manzon
