Davao City- Abli sa walk-ins ang mga vaccination sites alang sa mga nag-edad 12-17 anyos nga buot magpabakuna kontra COVID-19
Sumala ni Davao City Vaccination Cluster Head Dr. Josephine Villafuerte, gisugdan na ang vaccination sa mga nag-edad og 12-17 anyos dinhi sa dakbayan gamit ang Pfizer nga COVID-19 vaccines.
Wala usab natalang adverse events sa mga nabakunahang mga pedia.
“Kinahanglan nga magdala sila og birth certificate photocopy para masegurado nga age 12-17 years old, required pod nato ang parents and guardian to be there para magpirma sa consent, and also they should also bring an Identification card,” sumala niini.
Target sa LGU Davao nga mabakunahan ang anaa sa 400,000 ka mga batan-on matud niini.
Ang mga operational pediatric vaccination sites sa syudad mao ang GMall Toril, Mabini Elementary School, Calinan Elementary School, Matina Aplaya Elementary School ug F. Dizon Elementary School.
Kung sa mga pampubliko ug pribadong ospital buot magpabakuna ang mga pedia kinahanglan usa kining makaparehistro.
RadyoMaN Aimee Guinita
