Davao City – Gibutyag sa Davao City Police Office (DCPO) nga mi-ubos ang crime rate sa Davao City karon kung itandi sa milabay nga tuig.
Sumala ni Police Col. Kirby John Kraft, DCPO Director sa interview sa city-owned radio, gibutyag niini nga 55% ang gi-ubos sa krimen.
Sa datos, gikan Enero 1, 2020 hangtud Hunyo 10, 2020 anaa lamang sa 196 ang natalang insidente mas ubos sa 431 nga natala sa susamang period sa milabay nga tuig.
“Fifty five (55) percent po ang ibinaba po ng crime nitong panahon po ngayon. Malaki rin po yung naging epekto po nito ang implementation natin ng community quarantine,” butyag ni Kraft.
Ang maong mga kaso gilangkuban sa rape, homicide, physical injuries, murder, theft, robbery ug carnapping.
Gitataw ni Kraft nga dako og nahimong epekto sa pag-ubos sa crime rate ang ginapatumang quarantine gumikan sa Coronavirus Disease 2019 (COVID-19).
RadyoMaN Kirby Manzon
