Davao City – Adunay mga wala pa makaduso sa ilang mga Certificate of Candidacy (COC) sa 11 ka mga munisipalidad sa Davao de Oro.
Sa interbyu sa DXDC RMN Davao kang COMELEC Davao de Oro Provincial Election Officer Atty. Samantha Caballero, aduna pay duha ka adlaw nga nahibilin alang sa mga interesadong muduso sa ilang mga COC.
Adunay 12 na ka mga aspiring candidates ang nakaduso na sa ilang COC lakip na si incumbent Governor Jayvee Tyron L. Uy nga magpare-elect pagka-Gobernador sa Davao de Oro.
Samtang nagpahigayon og unang COMELEC Davao de Oro Joint Peace and Security Coordination Council (JPSCC) meeting kauban ang mga law enforcement units aron masigurong luwas, patas ug hapsay ang May 9, 2022 National and Local Elections.
RadyoMaN Aimee Guinita
