Davao de Oro campaign nagpadayon

25

Davao City – Nagpadayon karon ang usa ka bulang kampanya sa lokal nga panggamhanan sa probinsya sa Compostela Valley kalabot sa ipahigayong plebisito karong Disyembre 7, 2019 sa pag-ilis sa pangalan sa ComVal ngadto sa Davao de Oro.

Sa interbyu sa DXDC RMN Davao kang Jayvee Tryon L. Uy, gobernador sa ComVal, gibutyag niini nga opisyal nagsugod ang kampanya niadtong Nobyembre 7, 2019 apan niadto pa lamang bulan sa Oktubre aduna nay mga asembleya nga gihimo sa pagpasabot sa katawhan labot sa pag-ilis sa pangalan sa probinsya.


“Actually, taas taas naman ang panahon atong gi-prepare, gi-launch nato ang kampanya nato but officially, start na gyud ang campaign para sa Davao de Oro atong November 7 and it will end sa December 7, during the plebiscite,” saysay ni Uy.

Gibutyag sa gobernador nga aron mamahimong sayon ug han-ay ang sistema, susamang presinto nga gigamit niadtong 2019 national and local election ang gamiton alang sa plebisito o ang pagboto og YES or NO sa pag-ilis sa ComVal ngadto sa Davao de Oro, diin mamahimong muboto kadtong nag edad og 18-anyos pataas.

Nasayran nga bugtong ang ComVal lamang ang probinsya sa Davao region nga wala nagbaton og ‘Davao’ sa pangalan niini.

RadyoMaN Kirby Manzon

Facebook Comments

From Advertisers