Davao City – Ratipikahan karong adlawa (Abril 7, 2022) sa Sangguniang Panlalawigan sa Davao de Oro ang gipasar nga resolusyon sa pagpailawom sa entero probinsya sa State of Calamity tungod sa epekto sa pagbaha.
Kagahapong adlawa (Abril 6, 2022), gipulong ni Davao de Oro Governor Jayvee Tyron Uy ang Provincial Disaster Risk Reduction and Management Council (PDRRMC) human sa pagbisita sa mga komunidad nga naapektuhan sa baha tungod sa Low Pressure Area (LPA).
Samtang, gi-extend usab hangtud karong adlawa ang suspensyon sa klase sa tanang lebel sa private ug public schools ug trabaho sa teaching ug non-teaching staff sa tibuok probinsya.
Gipasabot sa Provincial Local Government Unit (PLGU) sa Davao de Oro nga kini nga lakang gihimo tungod gihapon sa risgo hatud sa dili maayong dagan sa panahon.
Kanunay usab gipaigmat ang ilang mga residente ug paghangyo sa kooperasyon sa mando sa awtoridad.
RadyoMaN Kirby Manzon
Facebook Comments
